Den e siman aki tin algun iniciativa di ley, cu den pasado a sali for di fraccion di AVP den parlamento. Fraccion di AVP ta contento cu ta mustra di tin un continuacion di gobernacion.
Gobierno ta reconoce cu e iniciativanan aki no por sigui ignora nan. loke a trata den parlamento ta un ‘verlengde stuk’ di e ley di 2016 di restriccion di uzo di producto di tabaco. Na momento cu a bay introducie a bin ripara cu tin cierto cambionan pa haci of algun puntonan cu a bin acerca pa asina garantisa su implementacion, di e ley di uzo di producto di tabaco. Esey ta pa garantisa cu tin ehecucion y implementacion di ley di uzo di producto di tabaco.
Loke mr. Gerlien Croes a remarca ta, cu na Aruba tin tendencia di traha ley pero ora di implementa of ehecuta no tin mucho informacion. Ora cu ta prepara e ley, mester tin un meta. Ora cu no tin dato, no por midi tampoco efectividad di ley. Esey tabata Croes su preocupacion di mas grandi. Ley cu nan a presenta ta papia di dato di 2012, es decir cu a uza e mesun datonan cu a uza na 2016 cual no ta na su luga. Pero minister a informa lo tin un sondeo pa nan haya dato mas actualisa. Pero toch e ta keda un preocupacion ya cu por pasa hopi ley, pero nan no por djis keda drumi.
Pa mas informacion lesa TREMPAN.