Gerencia di Molen ta lamenta cu medionan di comunicacion kier atacha su nomber

2192

Demis Illes ta abogado di Molen y su cliente ta preocupa cu loke a sali den prensa. E ta comenta cu gerencia di Molen a yam’e. Tabata tin dos articulo di dos diferente medio di prensa, entre otro Solo di Pueblo y e otro lo ta Masnoticia, cu a sali cu a preocupa nan.

Loke ta wordo skirbi, un biaha mas ta atacha nomber di Molen, mientras cu no tabatin motibo pa esaki pasobra tur cos a cana nechi. Illes a comenta cu na ora di ciere cu ta stipula pa ley na 11:00pm, awa mes a cuminsa yobe cu a caba cu loke tabatin na e luga. Tur cos a caba nechi na ora. Ta masha usual pa Polis pasa y tira control. E abogado a enfatisa cu tur loke cu a sali den tur dos media, no ta cuadra, ta considera cu un biaha mas ta purba proyecta algo negativo riba su cliente.

Gerencia di De Molen ta lamenta cu medionan di comunicacion kier atacha su nomber

Gerencia di De Molen ta lamenta cu medionan di comunicacion kier atacha su nomber. Click link pa mas https://24ora.news/3eTaVHe

Posted by 24ora on Tuesday, June 30, 2020

Den bista di esey ta contemplando si ta prudente pa lanta caso di o sea rectificacion, pero no a evalua esey den detaye asina, si lo bay haci’e. Awor aki a opta pa reacciona di nan banda y bisa cu loke a wordo publica den e articulonan aki, no a pasa. No tin ningun rapport di polis, no tin nada pa indica tur e cuestion cuenta di muchanan bao di influencia di alcohol. Nada asina a pasa. Tur e dos articulonan ta sin base. E propietarionan ta sinti, cu mirando cu tur cos a cana nechi tur otro ora. Semper ta keda trece discordia, publica cosnan cu no ta cuadra, mientras cu no ta berdad, nan no por otro cu sinti cu ta algo personal ta pasando.

Nada malo no a pasa. No ta compronde kico e atake di parti di Solo di Pueblo y Masnoticia.com. No ta prome biaha Solo di Pueblo no ta prome biaha nan ta bin cu articulonan contra De Molen, aunke cu e abogado no por confirma ni nenga esey. E sa di loke a pasa awo y por papia di esey. E articulo cu a sali recien pa loke tabata tin diadomingo, no ta cuadra. Gerencia ta reacciona

Di parti di gerencia, Aldrick Fernandez-Pedra, manager y beheerder na Olde Molen, a splica cu nan tin un concepto nobo. Door di Covid-19, nan a haya nan mes ta obliga di adapta nan mes riba e orario cu ta 11’or. Esey no ta nan manera di opera. Normalmente nan ta traha otro ora. A purba di opera den e orario eynan y ta hopi dificil. A dicidi e ora pa habri un biaha pa siman, cual ta diadomingo. Haciendo tur cos corecto, cerando na ora, sin problema, sin nada, no ta compronde pakico Solo di Pueblo ta keda ataca e establecimento constantemente. Siendo cu a cambia di propietario, crea full un cara nobo. Pero constantemente e ta keda bin riba e mesun cosnan bieu.

Tin cu benta e cosnan tras di lomba y sigui padilanti. No ta bisa e medio ki ora e tin cu cera su radio. Si no kier scuch’e, ta cambia e canal. Si no kier bi nna e luga, no ta bin tampoco. Sinembargo e medio ta keda hinca dede den herida, busca manera di difama e luga. Siendo cu e cosnan ey no ta bon, den punto di bista di Fernandes-Pedra. Nada no a bay malo, nada no a bay fout. Pakico tin cu saca nan den noticia un biaha mas. Si bo kier sa kico a pasa en realidad, ta yama warda di polis, puntra nan si en berdad tabata tin algo malo, un detencion, etc,. No tabata tin nada di esey.

Un concepto nobo

Riba diadomingo so nan ta habri. E concepto aki ta keda asina, pa motibo cu nan no ta operando nan orario segun nan model di opera. Un biaha pa siman ta habri. E unico biaha pa siman tambe ta malo pa e medio. Ta algo personal nan tin cu nan? Si tin algo persona cu Fernandez-Pedra, e ora mester bin y bisa dicon tin algo personal. Ta su negoshi y no ta mete den negoshi di otro. Asina ta no mete den su negoshi tampoco. Ta haciendo su best pa tene nomber di e luga limpi, haci tur cos pa tur cos bay bon. Pero toch ta keda busca problema y esey no ta bay cun’e.

Arubiano ta come Arubiano

Segun Fernandez-Pedra, Arubiano ta keda come Arubiano y ta pidi pa baha fo’i su lomba. Si tin algo cu ta contra di dje, e ta na e luga, tur dia. E ta haci tur cos na e luga, den su oficina. E no tin ningun problema cu e propietario di e medio y por sinta combersa y kico ta loke por ta  problema cu e propietario aki. Fernandez-Pedra tur dia ta scuca conferencianan di prensa. Pero e persona aki ta e unico hende cu ta bin critica den su oranan di trabao. Tin di compronde cu e luga a haya un propietario nobo. Ban laga cosnan bieu atras. Stop di keda wak den su cura y wak den di dje. No ta bay bise ki ora paga e radio. Pakico e mag di keda draai 24 ora. Tur cos ta cumpli cu ley segun Fernandez-Pedra, pero semper e propietario di e medio ta bisa cu ta haci fout. Pesey ta invit’e pa bin combersa manera dos adulto y ta yega caminda tin cu yega.

Algo nobo

Fernandez-Pedra a agrega cu loke ta bezig ta haciendo, ta completamente gratis. No ta cobra entrada. No ta obliga ningun hende cumpra alcohol. Bo ta bin pa bo disfruta. A haci e prome evento dia di tata. Diadomingo cu a pasa a haci’e pa di dos biaha. A duna Aruba un momento di alegria, despues di tanto tempo den cuarentena.

Ta purbando di tambe laga e negoshi draai un tiki pa por cubri gastonan cu tin, a base di un biaha pa siman, ta habri. No ta habri mas biaha.

Specialmente pa nos hendenan local

Fernandez-Pedra a menciona cu a baha e prijsnan hopi abao pa e localnan. Den e momentonan dificil aki no ta tur hende tin modo. Pero kier pa nan disfruta toch, di nan musica local. Tambe mester sostene nos artistanan local. Ta pesey tin banda local cu ta yuda nan tambe. E luga ta habri completamente den aire fresco y tin un bon siguridad. Tur cos ta bayendo bon. De Molen ta gana algo pa cumpli cu nan gastonan. No ta cobra cen pa por drenta e luga. Tin cu cubri e gasto pa loke ta banda, stage. Actualmente no tin sponsor den e tempo di crisis. Ningun caminda cu bay ta haya sponsor awor aki manera antes.