Geraldine Luydens ta empleado Superior di Aruba Bank

Pa Aruba Bank no solamente clientenan ta importante, pero tambe su empleadonan. Tur luna Aruba Bank ta eligi su empleado superior y pa luna di Januari a scoge Geraldine Luydens. Pa e banco cu ta carga nomber di nos pais, servicio personal ta hopi importante y den esey e empleadonan ta hunga e rol primordial.

Geraldine Luydens ta un Administrative Officer y a brinda un servicio superior na clientenan den su area. Geraldine ta wordo reconoci pa bai e “extra mile” segurando cu e ta comprometi pa duna un experiencia superior.

Su eficiencia y dinamismo a logra e reconocemento como empleado superior. Aruba Bank ta felicita y gradici Geraldine pa su esfuerso.