Diadomingo atardi un candela di mondi a surgi na Sabana Basora, cu a causa basta daño na un cas den cercania.
Personanan den bisindario a spanta, mirando e candela grandi y tabatin miedo pa nan cas tambe keda afecta. E candela a kima y a bira un menasa pa e casnan y apartamento pega cu e mondi. Dado momento bisiñanan mes a pasa man pa hemchi cu awa p’asina yuda Bomberonan combati e candela.
Cura di palo y matanan di coco a kima por completo, y mas tristo ta cu algun airco a bay perdi den e candela. Un apartamento tambe a sufri daño parti pafo. Mueblenan y baisnan den cura tambe a kima por completo. Habitantenan tawata remarca e sushedad cu tin riba e tereno di algun tempo caba y tawata teme pa algo asina pasa. Ta pensa cu e mester ta algo intencional. No tawata tin daño personal.
