Gasolin ta subi drastico mañan pero ainda ta hopi mas barata cu antes!

2418

Gobierno a confirma e primicia di 24ora.com awe; Prijs di gasolin ta subi atrobe mañan y ta bay practicamente na e mesun prijs di luna pasa. Si mira e cifranan di e aña’ki, di e seis anuncionan haci e aña’ki di prijs di gasolin (adapta un biaha pa luna), a conoce dos cambio di aumento cu tabata na luna di januari y awo e prijs nobo cu ta drenta na vigor diaranson. Tur e otro lunanan tabatin caida di prijs y algun biaha hasta caidanan drastico!

Si compara cu aña a habri cu un prijs di gasolin na 2,03 cen pa liter, cu e prijs nobo cu ta drenta na vigor diaranson 10 di juni, anto tin un diferencia di 44 cen, pues ainda nos ta 44 cen mas barata compara cu e tarifa na inicio di aña. Cifranan disponibel ta mustra cu na januari el a subi cu 0.9 cen; djey a baha consecutivamente cu -2,7 cen; -4,7 cen; -36,6 cen; -15,9 cen y awo a subi cu +15.8 cen. Pues el a subi cu practicamente e mesun cantidad cu el a baha luna pasa.

Loader Loading…
EAD Logo Taking too long?

Reload Reload document
| Open Open in new tab

Download [114.72 KB]

Minister Xiomara Maduro, por medio di su departamento concerni, a anuncia awe e prijsnan nobo di gasolin, diesel y kerosin entrante mañan diarason 10 di juni:

Gasolin unleaded-premium: 160,5 cen p/ltr. (+ 15,8 cen)
Diesel LS: 121,6 cen p/ltr. (+ 2,6 cen)
Kerosin: 103,9 cen p/ltr. (+ 7,2 cen)

Tarifanan di gasolin desde mañan diaranson dia 10 di juni. Lo ahusta tur pomp di gasolin desde awe nochi 11:59pm.