Manera nos a anticipa di trempan, Minister Xiomara Maduro di Finansas, Asuntonan Economico y Cultura a anuncia cu e prijs nobo di benta di combustibel entrante mañan 8 di juli 2020. E mandatario ta anunciando aumento tras di aumento pa e ultimo lunanan, despues di varios anuncio di reduccion den e tarifa. Asina mes mañan tur e productonan petrolero lo subi na Aruba den forma drastico.
- Gasolin unleaded-premium: 174,9 cen p/ltr. (+ 14,4 cen)
- Diesel LS: 135,0 cen p/ltr. (+ 13,4 cen)
- Kerosin: 117,8 cen p/ltr. (+ 13,9 cen)
- E prijsnan ta inclui BBO/BAZV/BAVP
Si compara, aña a habri cu un prijs di gasolin na 2,03 cen pa liter, cu e prijs nobo cu ta drenta na vigor mañan diaranson 8 di juli, tin un diferencia di 28.1 cen mas barata compara cu e tarifa na inicio di aña. Den e situacion actual cu Aruba ta biba aden, sigur e ta un prijs caro.
Cifranan disponibel ta mustra cu na januari gasolin a subi cu 0.9 cen; djey a baha consecutivamente cu -2,7 cen; -4,7 cen; -36,6 cen; -15,9 cen, na juni a subi cu +15.8 cen y awo el a subi cu 14.4 cen.
