Garashi di Polis na Balashi ta casi completamente yen atrobe

1128

Despues di un limpiesa total den Warda di Polis na Balashi, por mira cu un biaha mas e espacio ta yenando. Esaki debi na e controlnan continuo cu ta tumando luga.

Por bisa cu e garashi ta practicamente yen atrobe. Vocero di Polis Lito Lacle ta bisa cu e hecho cu e luga ta completamente yen ta indica cu Polis ta haciendo un trabou intesivo pa tur vehiculonan cu ta riba caya ta cumpli cu ley. Pero e ta nifica tambe cu mester di mas espacio den futuro pa warda vehiculonan cu keda confisca sea pa investigacion of pasobra nan no ta cumpli cu exigencianan di ley.

KPA su departamento mester crea un structura of maneho cu ta haci cu e autonan ta keda menos tempo posibel den e garashi. Pues pa e doño busk’e bek den un periodo relativamente cortico.

Garashi di Polis na Balashi ta casi completamente yen atrobe

Garashi di Polis na Balashi ta casi completamente yen atrobe. Click e link pa mas https://24ora.tv/35X6Qwe

Posted by 24ora on Wednesday, January 15, 2020

Pa cada dia cu un vehiculo pasa den e garashi, e doño mester paga 25 florin y si e keda henter un luna, e ta surpasa 700 florin. Esaki kisas, segun Lacle, ta motibo cu hopi hende no ta busca e auto mas.

E autonan confisca ta keda bou guia di Ministerio Publico y ta esnan cu por duna ordo kico pa haci cu e vehiculonan. Y no por simplemente bende e auto. Tin procedura cu mester sigui prome cu dstrui e vehiculonan. E ta un maneho cu ta cay bou di Ministerio Publico.

Normalmente Polis no ta confisca un auto na momento cu durante control resulta cu e tin e documento aki na ordo. Ta simplemente duna un multa. Durante paradanan sigur mester percura cu tur auto ta gekeur. Si sosode un accidente fatal, y esaki sosode pa motibo tecnico, bo ta kere responsabel.