Garage den Timbalstraat a pega na candela

3359

Awe mainta Brandweer y Polis a bay cu urgencia na Timbalstraat, Dakota, pa un candela. A topa un garashi na candela, cu a expande te na e cas. Di biaha Brandweer a cuminsa combati e candela pa evita expansion.

Bisiñanan a bisa cu e unico persona cu tabata na e cas a logra sali. Nan a keha cu Brandweer a tarda pa por a yega. E bisiñanan mes a cuminsa yuda paga e candela cu nan propio slang, sperando riba Brandweer. Candela a cuminsa den e garashi pero a pega e dak parti dilanti di e cas. E daño mas grandi tabata na e parti patras di e cas.

Garashi y cas na candela den Timbalstraat na Dakota

Posted by 24ora on Saturday, July 25, 2020

Un bisiña cu a haya holor di huma a alerta esunnan ey banda mientras cu a avisa propietario di e cas. Doño di cas a yega y di biaha a topa cu su yiu, kende tabata drumi den e cas. Polis a cera e area y a pidi asistencia di slachtoffer hulp pa atende cu e famia aki.