Diabierna anochi Garage Cordia a launch e di cinco generacion di Toyota RAV4. Desde 1994 e ta riba mercado mundialmente y tambe na Aruba. Ta haci net 25 aña di e RAV4.
Segun Alvin Thijsen, sales manager di Garage Cordia, den e di cuatro generacion di RAV4 versus esun di cinco generacion, tin cambionan grandi, specialmente den e motor.
E motor a keda 2.5 liter, pero den e caso aki e tin mas horsepower y e tin mas torke. E bateria tambe di e hibrido, a bira ma compact, cu ta duna e auto hopi mas den locual cu ta milage.
Pa loke ta interior, e bahul a bira mas grandi. El a aumenta cu 5 milimeter, pero ora cu wak’e e ta hopi. E baki a bira uno di 590 liter pa loke ta carga. Loke ta interior, e sientanan ta super comfortabel, cu ta carga 5 pasahero. Loke ta backseat, ta hopi comodo, segun Thijsen.
Garage Cordia ta biniendo cu 4 diferente modelo di RAV4. Kier pa cada persona cu un gusto, tin su RAV4. Tin RAV4 cu tin sunroof, cu tin reemnan 18. Otro tin reem 17. Pero tur ta full ekipa. Pa loke ta safety featured, tur ta bin cu airbag, ABS, eseynan ta standard hinca den e autonan aki awendia. E diferencia ta masha poco riba e auto.
Pa loke ta e diseño di exterior, ta algo hopi apart, segun Thijsen. Nan a diseña e auto aki a base di un octagonshape. Esaki bo ta bay wak’e riba e auto tur caminda. Tanto pafo di e auto, paden di e auto, den e storage. Tur caminda. Esey ta haci bunita den e RAV aki. Tur cos ta cuadra cu e auto pa loke ta interior.
Y awo pueblo di Aruba ta wordo invita diasabra pa bin test drive e auto. Garage Cordia ta bay tey habri di 9’or di mainta pa 1’or di merdia. Ta bay tin banco presente, asina ta cu bo por haci bo deal di biaha pa loke ta esaki.
