Diahuebs awo Garage Centraal lo bay tin su prome Auto Night pa 2019. Basicamente nan ta tene un evento cu ta mantene nan portanan habri for di 6’or di atardi pa 9’or di anochi, cu banconan presente, di manera cu esnan cu ta hopi druk cu durante dia y fin di siman, nan tin un espacio di tempo cu nan por pasa trankilamente, combersa cu e ekipo di benta y check tambe financiamento di banco, segun gerente di mercadeo, Rodney Kock.
Ta duna e dobel beneficio cu e publico por pasa y check e autonan trankilamente, plus nan ta spaar e procedura di tin cu bay banco, mirando cu ya nan ta na e sitio caba.
Como cu esaki ta e prome evento pa 2019, tin beneficionan acerca. Por ehempel e Hyundai Grand y i10 Sedan, ta disponibel cu 1000 florin di descuento. Tin auto segunda mano cu descuento di 1000 florin. Tin algun otro selecta cu tambe tin descuento.
Pasa y puntra pa nan. Basicamente e meta ta pa haci lo mas conveniente posibel pa e cliente, door di duna nan un orario facil, e posibilidad di banconan presente.
Ta wak’e como un servicio dicional cu Garage Centraal ta duna su clientenan. Den e sentido aki ta invita publico en general pa e prome Auto Nights pa 2019 diahuebs awo, di 6 pa 9.
Garage Centraal tin suficiente stock di autonan di marca Hyundai, Isuzu y Volkswagen. Den e parti di Hyundai por ehempel por menciona cu tin un seleccion completo di SUV, for di Santa Fe cu a renoba completamente aña pasa, cual ta sumamente atractivo, tin e Creta cu tambe a haya un facelift y tambe e Tucson. Bo por bay den e parti di Isuzu. Tin evidente e Dimax y e MUX, cual nan confiansa ta basicamente legendario. Awendia e ta suficiente bon den calidad y durabilidad cu e ta e auto cu Cuerpo Policial a selecta pa uza riba caya.
Tin den e parti di Volkswagen maner e Saveiro Cross.
Saveiro ta un pickup economico di 27750 florin. Awor aki a caba di bin cu su version Cross, cu tin un capacidad di cinco persona. E tin e dimencionnan compacto. Toch e tin su beneficionan manera Bluetooth y hopi otro cos extra. Esey ta pa 39.980 florin. Su balor ta sumamente positivo y conveniente. Ta invita tur hende pasa wak’e, pasobra e ta un auto hopi bunita hinca den otro.
E ta un auto naturalmente di Volkswagen, cual su calidad no ta di discuti. Nan ta e marca mas grandi na mundo awor aki.
Variacion di auto tin, for di e sedan mas chikito te un Gran Santa Fe pa 7 pasahero. Tin autonan segunda mano, un variacion basta amplio. Escogencia pa ki presupuesto cu ta, pa ki necesidad cu ta, tin con pa satisface esaki.
E highlight pa e anochi aki naturalmente ta locual ta e Sedannan, ta e galeria cu nan tin of tambe e hecho cu nan a caba di haya un set nobo di Ioniq Electric. E auto aki ta sumamente bon. E ta den uso di diferente compania y individualnan na Aruba. Te awor aki no a haya ningun keho di dje.
Ta papiando di un auto electrico di un rango di 200 kilometer plus. Cu un capacidad sumamente halto. Ta un auto nechi hinca den otro. E ta un auto simpel. Hopi hende ta kere cu un auto electrico ta overcomplicated. Esey no ta e caso cu Ioniq.
Como e unico auto full electrico completamente nobo cu tin na Aruba awor aki, Garage Centraal ta ofreciendo un cantidad adicional di e autonan aki, pasobra e cantidad cu a trece ultimo a bay sumamente lihe. Ta invita tur hende cu ta interesa den un auto electrico pa pasa wak’e.
Kock ta gradici na tur esnan cu ta pasa constantemente, pa duna nan e posibilidad pa ofrece nan servicio y autonan na comunidad.
Naturalmente, si bo ta short di tempo, si bo kier bin den un forma conveniente, bin diahuebs awo, entre 6’or di atardi y 9’or di anochi, e ekipo di benta ta completamente cla pa cualkier cos, depende di bo presupuesto y necesidad, Garage Centraal tin un auto p’abo.
