En conexion cu e Mega Car Show di Aruba Bank, Garage Centraal Aruba a prepara un variacion amplio di opcion pa su clientela. Trahando cu e fabricantenan, Garage Centraal a logra di pone un variacion di auto den stock cla disponibel pa busca entre esunnan cu ta desea di scoge nan auto durante e evento aki.
Esaki ta inclui auto nobo, tanto di Hyundai, Isuzu, Volkswagen y Leapmotor, cla pa satisface e necesidadnan cu style y capacidad pa tur clientela y presupuesto.
Den e caso di Hyundai, e modelonan disponibel ta cuminsa for di e tremendo Grand i10, disponibel tanto den version Sedan como Hatchback, of e tremendo Hyundai Accent, cual calidad ta legendario y awo ta compaña pa un style extremadamente moderno. Pa locual ta SUV tin disponibel e tremendo Hyundai Creta, cual ta e punto di entrada den e lineup di SUV pa e marca aki.
Un grupo di auto cual Garage Centraal ta poniendo hopi enfasis riba nan ta e autonan electrico. Den e categoria aki Hyundai ta ofrece e IONIQ 5, cual a gana cantidad di premio pa su style cu calidad, inclui e asina yama “Triple Crown” di World Car Awards, como “World Car Of The Year”, “World Electric Vehicle Of The Year”, y “World Car Design Of The Year”.
Den e caso di e Kona Electric, cual ta un SUV mediano, cu su aspecto cu ta resalta ta su capacidad di duna coriente na aparato electronico manera stereo, laptops, of aparato cu mester de 110 volt, cual sistema ta conoci como “Vehicle 2 Load”.
Hopi importante, e dos autonan electrico di Hyundai ta disponibel awo cu 10% di descuento, y locual ta ofrece un incentivo adicional pa ora di scoge un di e autonan aki.
Volkswagen tambe lo ta presente, cu auto manera e tremendo Tiguan, cual como SUV mediano ta bon conoci riba mercado, y na e momento aki tin e disponibel den su versionnan di mas sofistica y avansa, esta e R-Line cu e R-Line “Black Edition”, cual tin cantidad di detaye extra den nan diseño.
Tambe tin disponibel e Volkswagen Taos SUV, cual ta un bunita modelo cu awo tambe tin un special prijs pa esunnan cu ta desea di busca e auto aki.
Naturalmente, un marca cual nomber ya caba ta bon conoci na Aruba ta Isuzu. Y den e marca aki Garage Centraal tin un variacion di opcion tanto den single cab, Xtended Cab como Double Cab.
Finalmente, un marca cual a introduci recientemente door di Garage Centraal riba mercado ta Leapmotor, den cual tin dos opcion pa esunnan interesa den auto electrico. Esakinan ta e T03, un auto compacto na hopi bon prijs, y e tremendo C11 SUV, un di e autonan tecnologicamente mas avansa na e momento aki na Aruba.
Cu tur e opcionnan aki Garage Centraal tin auto den stock cla pa cubri e necesidad di tur esunnan buscando auto nobo. Pero mas importante, ta ofrece e respaldo solido di servicio cu tecnico cualifica y certifica p’e fabricantenan, p’asina Garage Centraal su clientela lo keda satisfecho cu nan compra dia nan sali cu e auto for di e showroom, y tanten cu nan keda haci uzo di nan auto.
Aruba Bank Mega Car Sale Event ta tuma aplicacion for di awo te cu dia di e show principal na Camacuri. Por pasa cualkier momento na showroom di Garage Centraal, unda full nos Sales Team ta cla pa yuda un y tur cu ta desea di probecha di e Mega Car Sale Event pa yega na nan auto nobo. Ta importante pa esunnan interesa por tin nan documentonan disponibel pa prestamo na banco, esta ID valido, rijbewijs, ultimo dos payslip mensual or 4 ultimo payslip quincenal, y carta di trabou.
