E detencion di e homber diaranzon anochi banda di High Rise a dal henter un buelta. E tabata core tras di un auto y asina e chauffeur a yama Polis. Ya caba for di Paradera e homber den e Nissan tabata den forma sospechoso sperando e habitante di cas na Paradera cu tabata yegando su cas. E no a confia e asunto y a lora bay y e auto sospechoso a sali su tras. El a sigui core bin abou di Paradera te Palm Beach y bati alarma. Asina polis a yega y logra para e Nissan Almera. Den e auto tabata tin e homber naci na Colombia cu Paspoort Hulandes. Prome el a saca un ID falso y a ganja cu e tin rijbewijs. A detene y ora a bay listre a bin topa riba dje un arma di candela carga cla pa tira. Un pistol gekrenk cla pa los tiro. Tambe a topa riba e sospechoso atributonan pa comete atraco. Polis di Strand Politie cu a para e chauffeur di 26 anja a hibe warda y avisa Atraco Team mesora. A listra den e auto y haya tambe boei di Polis. A confisca tur cos. E arma y otro cosnan pa comete atraco. Tur cos ta mustra cu e intencion di e atracador aki di 26 anja tabata pa atraca e persona na Paradera. E habitante tabata sabi a bay abou y avisa Polis cu a bin para e Nissan na Palm Beach y score tambe.
