Durante dos siman largo e federacion di tenis di mesa a organisa un torneo enconexion e ASU Olympiade 2017. E torneo a inicia siman pasa unda e weganan a wordo hunga den e diferente categorianan. E resultadonan ta como lo siguiente. Den e cat U10, e hoben Dylan de Leca ta gana e prome lugar sigui pa Shawn Kock cu un di dos lugar y na di 3 lugar nos ta haya Brandon de Leca, den e categoria U13 nos tin na prome lugar Bob Chung, na di dos lugar Robert Dirksen y na di 3 lugar Joseline Boekhoudt. Den e categoria U18 nos tin na prome lugar Jeandry Mathilda, na di dos lugar Chingho Chung y na di tres lugar Johnatan Paredes. Den e categoria Masters nos tin na prome lugar Franklin Lopes, na di dos lugar James Letren y na di tres lugar Alfred Leong. Su siguiente siman e weganan a continua na San Nicolas y Sta Cruz den e categorianan di B-klas y A -Klas como tambe den U-11 y U-18, e ultimo dosnan na San Nicolas. Den B-Klas nos a haya na prome lugar Alfred Leong, sigui pa Robert Dirksen cu un di dos lugar y Wing Chow Leong cu a termina na di tres lugar. Den A- klas, e ganador a bira Mario Lobo, mientras Andy Gomes a keda na di dos lugar y Cheng ho Chung a termina na un di tres lugarNa San Nicolas den U-11, e hobencito Dylan de Leca a keda na prome luga, Zi yu Chen a termina na un di dos lugar y Brandon de Leca a keda conmo e number tres. Por ultimo nos a haya e categoria di U18, aki Joseline Boekhoudt a triunfa cu e prome lugar, sigui pa Dwayne Koolman cu a keda na di dos lugar y Marc Rasmijn a keda na di tres lugar.
Un danki sigur na Lotto, e Loteria di Aruba pa medio di Comision di Subsidio cu a subsidia e competencia di tenis di mesa enconexion cu e ASU Olimpiada 2017.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
