Diahuebs Prome Minister mr. Evelyn Wever-Croes tabata un di e ministernan cu a acudi na ImSan na San Nicolas pa tuma e di tres vacuna, cual ta e booster shot.
Nos mandatarionan a bay vacuna, pa asina demostra e importancia di vacuna ta. No solamente vacuna, pero e posibilidadnan cu tin pa cu e bus, e unidad mobil cu ta yuda pa yega na mas luga posibel. Actualmente e booster ta disponibel pa e personanan di 30 aña bay ariba, y prome minister ta haci un inivtacion na tur esunnan cu tin tur dos vacuna y cu a vacuna mas di tres luna pasa, pa bin ImSan na a unidad mobil pa asina por bin vacuna. Prome minister a bisa cu e bus lo keda un par di dia mas na ImSan, pero e duracion ta depende di cuanto interes tin pa vacuna na e unidad mobil.
Minister Arends a cuminsa na bisa cu e motibo pa cual nan a bin ImSan hunto cu su coleganan minister, Endy Croes y Minister President mr. Evelyn Wever-Croes, pa tuma nan booster shot. Esaki ta muestra cu nan ta proteha nan mes y di e forma aki comunidad tambe por haci uzo di e facilidad, mirando cu e bus ta duna un tremendo servicio.
Den e ultimo dianan, e bus a bin ta atende cu e comunidad na San Nicolas, cual Minister Arends ta reconoce e tremendo trabou desplega. El a haci un apelacion na e comunidad pa asisti na un di e localidadnan cu tin, cu ta duna e booster shot, pa proteccion di un y tur. Door di vacuna, Aruba lo por surpasa tur e retonan actual. Pa un relato mas amplio, lesa TREMPAN.
