Gabinete Hulandes: Medidanan prolonga te cu 28 di April

558

Gabinete Hulandes a dicidi di prolonga e medidanan di coronavirus te cu diamars 28 di April. Prome Minister Mark Rutte ta pidi Hulandesan pa dia di Pasco Grandi pa keda cas mas tanto posibel y pa no bay biaha den e pais.

E medidanan di coronavirus cu ta poni te cu 6 di April, a prolonga esaki te 28 di April. Esey ta nifica cu restaurantnan, luganan di pelukeria, museo, theater y otro trabou di contacto lo keda cera. Scolnan ta cera te cu vakantie di Mei. Despues di 28 di April e situacion no lo normalisa di biaha, asina Minister Rutte a adverti.

Gabinete Hulandes: Medidanan prolonga te cu 28 di April

Gabinete Hulandes: Medidanan prolonga te cu 28 di April. Click e link pa mas https://24ora.tv/3aBjGU5

Posted by 24ora on Wednesday, April 1, 2020

“No bay haci ningun plan pa vakantie di Mei, esey ta prematuro ainda”, asina e Minister a bisa. “E situacion dificil aki no a pasa ainda. Solamente hunto nos por controla e corona crisis.”