Rond di di 10’or di diahuebs mainta a drenta alarma pa un cas na candela na Meiveld.
Na yegada, reportero por a constata cu ta trata di un candela chikito cu a cuminsa e fuse box di e cas y cu e propio habitantenan a logra paga esaki caba. Asina mes, ya caba tabatin dos unidad di Cuerpo di Bombero na caminda pa e sitio.
E prome a controla cu no tabatin ningun vlam ainda cu por a lanta bek.Declaracion di e habitante di e cas cu ta situa banda di caminda grandi di Meiveld ta bisa cu tabata personanan pafo di e cas esunnan cu a tuma nota prome di e candela y a avis’e. Rapidamente el a bin afo, yama Brandweer y di biaha coy hemchi cu awa pa tira riba dje. Maske a actua rapido.
Toch muraya, dak, regengoot y naturalmente e propi fuse box a haya basta daño. Na e sitio tambe a mira presencia di tecnico di Elmar cu casualmente tabata den cercania y a bin wak un ke otro.
