Fundacion Rancho tabatin un actividad na ocasion di celebracion Dia di Betico, como tambe clausura di un tayer di boto miniatura crioyo cu e fundacion a organisa.
Clifford Rosa, Presidente di Fundacion Rancho a indica cu tabatin diferente boto crioyo y tambe boto modifica y sigur un dia cu yen di ambiente, familiar, mirando cu esaki ta e tradicion, nos cultura y pa por conserva tambe parti di e cultura, ta loke a pasa.
Conservando nos herencia cultural
Con por sigui conserva nos herencia cultura y material y esaki ta sosodiendo mirando e caredanan tumando luga den e boca net dilanti di ex-cas di Gobernador banda di Wilhelminapark.
Ta full un dia di diberticion canto di lama, mucha y adulto ta bin hunto, caminda cu tin musica y cuminda y tambe sigur tin cu gradici UNESCO Aruba y tambe tur esunnan cu a colabora cu e actividad aki.
Premionan
Pa e actividad aki tin varios trofeo den e diferente categorianan. Pa categoria 30 tin prome, di dos y di tres luga, mescos cu categoria 35 y 40. Tin un premio special pa e participantenan di e tayer di boto miniatura cu a dura 2 luna largo.
Awe sigur ta un dia pa festeha y conserva nos herencia cultural y material, Rosa a bisa por ultimo.