Despues di 27 aña FPNM a tuma e reto pa diseña un logo nobo y esaki a ser presenta durante Dia Pedagogico 2019. Durante e dia di estudio aki 200 lider di diferente Centro di Cuido Y guia di mucha (crèche) tabata presente.
FPNM a mira esaki como un momento ideal pa revala e logo nobo como cu FPNM ta duna Guia na lidernan di centro di cuido. Na final di e Dia pedagogico esnan presente a aglomera den e sala principal pa asina haya sa kico ta e ‘Surprise event’ di e dia aki. Prome cu e revalacion e Presidente di FPNM Jayburtt Dijkhoff a haci un introducion chikito sigi pa e Vice-presidente Lionell Croes cu a splica e historia di FPNM, sigi pa e revelacion di e logo nobo.
Diseño
E diseño aki ta discribi un conection y interrelacion entre 3 figura primario dentro educacion di un mucha. E prome figura ta e mayor di e mucha, e di dos persona ta e educador y e di tres ta FPNM cu ta actua como e centro di educacion pa mayornan y profesionalnan entre otro den centro di mucha. E logo tin 3 difrente color cu ta enfatisa e 3 diferente actornan cu ta hunga un rol den educacion di e mucha. E simbolo ta representa union y desaroyo. E union pa integracion di diferenre personanan ta promove desaroyo entre nan tur. E flechanan ta representa e direccion positivo,avance, evolucion y crecemento. Cu esaki nos ta informa comunidad di Aruba cu esaki ta e logo nobo di FPNM.
