Fundacion Hende Muhe den Dificultad ta cuminsa 2019 cu un campaña di Selfie y Run Diva

i10 Sedan
PPG Super Descuento
SETAR 3GB Free Data den February
RBC Mortgage Switch Campaign 2019

Fundacion Hende Muhe den Dificultad, tabata basta activo den 2018. Durante un rueda di prensa, Magali Maduro, coordinador di e fundacion a conta cu nan a yuda 144 cliente.

Cambia, Spaar y Gana
Fabulous Carnival

FHMD: Stop Violencia Domestico

Posted by 24ora on Monday, February 11, 2019

A duna alohamento na 24 dama y entre 25 pa 30 menor di edad den nan shelter. E fundacion ta hopi conciente di e necesidad pa duna mas informacion pa por sigui informa, pa sigui pone concientisacion pa pueblo riba e problema di violencia domestico.

E aña aki ta start sali cu un evento, den cuadro cu Dia di San Valentin y tambe pa Carnaval. Na Maart nan lo tin un actividad basta grandi cual ta Run Diva. A team up cu un otro fundacion pa por concientisa y haci algo tambe den deporte.

Proyectonan

Maria Carrasquilla, trahado social di e fundacion, a splica cu den 2019 a cuminsa cu diferente proyecto. Tin hopi informacion cu nan a trece dilanti y ta hopi activo tambe. Nan tin nan pagina di Facebook tambe. Pa Dia di San Valentin, nan a bin cu e parti di imagen.

Por a ripara riba social media, unda cu tin hopi selfie bunita, pareha, famia cu bunita potret. Pero tras di e bunita potretnan ey, kico tin. Kico tin tras di e porta di e cas eynan, of di e relacion ey.

Fundacion pa Hende Muhe den Dificultad a cuminsa cu un evento riba Facebook, unda cu un y tur ta invita pa bin wak. Ta e mensahenan cu ta e realidad. Tin un bunita potret y famia, pero tras di esaki kico tin. Por ta maltrato. Tin parehanan cu ta mustra bunita, pero tras di e potret, no tin nada bunita. Esaki ta pa concientisa comunidad. Nos ta den un temporada bunita, cual ta carnaval, Dia di San Valentin. Pero aki nos mester ta conciente kico ta violencia domestico y por ta cada un di nos por cuminsa para keto na ki sorto di relacion nos ta hibando. Esey ta pa agrega, cuminsando e aña aki, esaki ta un di e proyectonan.

Run Diva

Fundacion Sports 4 U, a uni na Fundacion pa Hende Muhe den Dificultad, pa asina bin cu un evento grandioso yama Run Diva. E evento aki lo tuma luga dia 8 di Maart, riba dia Internacional di Hende Muhe. Fundacion Sports 4 U ta kere cu e dos fundacionnan aki por haci algo hopi bunita pa Aruba.

E evento aki lo cuminsa y caba riba Linear Park. E lo tin un ruta di 4.7 kilometer. Bo por cana of core. E categorianan lo ta U-15, 16 pa 20 aña, 21 pa 29 aña, 30 pa 39 aña, 40 pa 49 aña, 50 pa 59 aña y 60+. Lo bay tin un categoria di hende homber, cual lo ta Open.

E ruta lo ta for di Talk of the Town, drenta Vondellaan, despues bira na e rotonde banda di Banco di Caribe, sigui direccion Pricesmart riba Avenida Milio Croes. Despues ta crusa riba Linear Park bay abao, y despues caba tras di Sandra’s Garden, etc.

Na final lo bay tin diferente tent pa hende muhe cu productonan di hende muhe. Esnan cu kier ainda por join e causa y e evento aki, por tuma contacto na Fundacion Hende Muhe den Dificultad of Stichting Sports 4 U. Pa participa ta 25 florin pa inscripcion of tambe na www.rundivaaruba.com. E ta inclui un bibnummer cu un timing system y un shirt hopi bunita.

E fondonan recauda lo ta pa e dos fundacionnan aki.

Comments

comments

Island Finance – Carnaval