Fundacion Hende Muhe den Dificultad celebrando 25 aña

Ya ta 25 aña a pasa desde cu Fundacion Hende Muhe den Dificultad a mira luz di dia. Dia 24 di november 1995 un grupo di visionario a bay notario y nan a firma un documento pa e fundacion yega na existencia.

Magali Maduro, na cabes di e fundacion, a splica cu tabata tin e momento ey Dora Koolman, casa di exgobernador Olindo Koolman, kende a tuma liderazgo di e proyecto aki, haciendo esaki su meta pa e logra un fundacion cu por yuda hende muhenan cu ta pasa den violencia domestico, violencia den nan relacion.

Semper sa cu ta maltrata hende muhenan na un manera severo. Na 1995 a dicidi di lanta e fundacion y awe nan ta cumpli 25 aña. Ta un momento di hubilo di un banda, pero na un otro banda tambe, e ta un tiki bittersweet, pasobra e existencia di e fundacion aki ta debi na un topico hopi pisa y hopi severo.

Si mira cifranan for di nan comienso te cu awo, pa aña tin un promedio di 100 hende cu a presenta na e fundacion. Awor aki ya ta na 158 hende.

Aña pasa a cera riba 160, cual ta hopi hende. Tin cu bisa cu pa Maduro, tur tabata exitoso. Nan a bin, a busca ayudo, a mustra nan e caminda cu nan tin cu cana y nan a bay p’adilanti. E partinan cu a keda den residencia pa aña tin un promedio di 30 hende muhe cu ta bin cu nan yiunan. Tin un promedio di 60 mucha pa aña cu ta bin cu nan mama na e fundacion.

Esey tambe ta considera exitoso, pasobra ta muhenan cu a tuma e curashi y brio pa asina bisa ta basta.

E problematica di violencia domestico no ta mishi e pareha so. E ta mishi full e famia rond di dje. E mama di e mucha muhe ta sufri mescos cu e yiu. Su tata igual. Pero e mama di e pareha, ta mesun cos.

E contacto cu e welonan no ta existi. No ta solamente nan ta sufri, pero e muchanan tambe. Di un dia pa otro, nan no tin e contacto mas. E ta algo cu ta asina grandi y profundo cu ta haci algo den nos ser, cu cada un cu por a soluciona na un bon manera, ta un success story.

Manera cu e fundacion ta traha awendia cu ta yama e pareha, si su yiu ta cerca nan na e fundacion. Ta yama nan y ta bisa cu e yiunan ta safe y den 90% di e casonan, e pareha ta contento y ta gradici e fundacion. E tambe ta keda cu su derecho, pero mas tanto e mucha tin derecho di tin contacto cu ambos mayor.

Awe ta 25 aña pasa cu Fundacion pa hende muhe den dificultad a lanta

Awe ta 25 aña pasa cu Fundacion pa hende muhe den dificultad a lantaClick e link pa mas: http://24ora.news/39crs8Y

Posted by 24ora on Tuesday, November 24, 2020

Na e momento ey, 50% di e casonan, e pareha ta bisa cu no a tende su storia y e contesta e ora ta bira cu ta habri pa scucha e storia di e pareha. E fundacion sa cu “it takes two to tango.”

No tin e ayudo ainda si pa esnan cu maltrata of abusa di e dama, pero si por mustra nan cu eynan por haya e ayudo necesario, pasobra e fundacion no tey pa kibra relacion ni matrimonio. Tampoco papia malo di ningun hende homber. Segun Maduro, e lo kier pa tur haya e oportunidad pa haci cosnan bon y pa tin un di dos oportunidad.

Tin caso cu ta casonan cu no por haci nada cu nan, pero esey ta den minoria. E minoria ta esnan cu no kier siña nada y ta insisti cu nan kier keda den e rol cu nan tabatin e momento ey.

E fundacion tin hopi trabao y ta pone nan na altura y ta dispuesto pa traha hunto cu nan pa yega na un solucion.