Fundacion Fly with Purpose y Parke Nacional Arikok ta haci costa limpi

Plastic ta un problema grandi. Maria Camila AV a bin di vakantie y a cana di Parke Nacional Arikok pa Natural Pool. Na caminda el a mira cu tin hopi plastic y a pensa cu mester haci e area limpi.

Maria Camila AV ta fundado di Fly with Purpose y como cu dia internacional di limpiesa ta bay tuma luga, tabata e momento perfecto ya cu e ta aki. El a dicidi di organisa un limpiesa y a acerca e parke pa pidi permiso pa haci esey diasabra 19 di september.

Door di COVID-19 tin cu mantene e evento chikito, el a bisa. Tabata bon pa tin hopi boluntario, pero nan no tabata mag tin mas cu dies hende. Nan lo percura pa mantene distancia social, percura cu tur hende ta safe. Hopi hende kier a participa, pero e fundacion tin di limita e cantidad.

El a papia cu Parke, pero a bisa su persona cu nan tambe ta bay organisa un limpiesa. E team di Camila ta bay un banda y team di parke ta bay e otro banda pa cubri mas area. Pa 7:00 di mainta nan ta cuminsa y ta spera di termina pa 10:00 di mainta. E ta haya Aruba un isla bunita y p’esey ta encurasha sea turista of negoshi, pa duna bek na comunidad unda nan ta bay bishita. E fundacion tin un lista riba Instagram unda tur nan a haci obra di caridad y awo Aruba a bin acerca.

Fundacion Fly with Purpose hunto cu Parke Nacional Arikok ta haci costa di Aruba limpi

Fundacion Fly with Purpose hunto cu Parke Nacional Arikok ta haci costa di Aruba limpiClick link pa mas: https://24ora.news/3iJWCX7

Posted by 24ora on Friday, September 18, 2020