Mirando e desaroyonan di ultimo lunanan aki con mas y mas personanan ta pidi yudansa na diferente instancianan pa productonan di primera necesidad. A tuma nota cu el a bira un “trend” cu varios fundacion ta haci donacion di cuminda y productonan mas necesario den e ultimo lunanan. E biaha aki Fundacion Fe, Speransa y Amor a haci donacion na diferente hogar rond di nos isla.
E fundacion kier a duna un palabra di gratitud na Club Chines y Fundacion Pa Nos Comunidad pa e donacion cu nan a ricibi. Un ta yuda otro. Na mes momento ta haci yamada na tur esnan cu kier yuda, sea comerciante o fundacionnan cu kier traha conhunto cu nan. “Union ta haci forsa”, asina e voluntario di e fundacion a termina bisando.
