Enseñanza pa Empleo tin un palabracion cu minister actual cu nan ta laga atras mayoria cos. Nan a percura pa subsidia gobierno, mirando cu no tin fondo. Fundacion Enseñanza pa Aruba (FEPA) a haya nan mes ta busca loke mester, pa motibo cu Enseñanza pa Empleo (EPE) tabata na werki.
Randolf Vrolijk, director interino Enseñanza pa Empleo, a splica cu dia el a yega eynan e no a haya ni un pen di gobierno of directiva anterior. Y na momento cu nan sali bay, ta laga e cosnan personal atras. Tin fondo cu a cumpra fo’i nan fondo, esta nan a schiet voor. Ta normal cu gobierno ta subsidia fundacion, pero den e caso aki nan ta esun cu a subsidia gobierno.
Nan lo haci un calculo di e gastonan haci y esey lo verreken cu gobierno. Den tur gobernacion cu ta practica corporate governance mester tin un jaarrekening na final. Esaki tin cu ta haci pa un oficina di accounting serio pa mustra kico tabata FEPA su gastonan y cua ta e gastonan di Enseñanza pa Empleo. Segun Vrolijk, e problema grandi cu e minister anterior a haci ta cu no tabata tin kleine kast, no tin auto di gobierno, pero EPE no tin un cuenta bancario. A opta pa haci uzo di e cuenta bancario di FEPA pa por a draai.
Despues di e ola di Covid-19, nan a haya nan mes confronta cu hopi hende a perde trabou y mester a duna curso. Hopi hende no tabata tin un cuenta bancario of a cera esaki, y mester a paga cash. Segun Vrolijk, esey tambe tabata fastioso pasobra ta expone bida di e trahadonan den ora di anochi. Esey a hunga un rol y no tabata nan culpa.
Pa un cobertura mas amplio lesa e edicion di TREMPAN di mañan.
