Fundacion Enseñansa Pa Aruba (FEPA) cu varios curso pa pueblo di Aruba

Fundacion FEPA a ser lanta dia 1 juni 2007 cu e meta pa promove enseñansa na Aruba, muy special nos enseñansa pa adulto.

Atrabes di añanan nos a yuda hopi adulto haya specialmente MAVO diploma atrabes di e programa di Landsexamen y tambe nos a yuda hopi cu a dropouts, ex presonan, mama/tatanan soltero cu mayoria bes nos por a haya trabou cu un of mas curso gratuitamente.

Apesar di un lucha hopi grandi pa ser reconoci como un fundacion di Enseñansa oficial porfin dia 16 juli ultimo nos a ricibi nos MB cu e “aanwijzing” for di Ministro di Enseñansa dr. Rudy Lampe pa por cuminsa duna cierto estudio reconoci cual ta e estudio di PDG .

Actualmente den nos comunidad 71 pa 83% no a termina un estudio secundario (Censo y CBS). Nos fundacion ta kere cu un di e miho maneranan pa combati pobresa, desempleo, subi calidad di bida y criminalidad ta sigui un of mas estudio.

Dia 21 september proximo nos fundacion lo cuminsa cu un estudio riba nivel HBO di Pedagogisch Didactisch Getuigschrift (PDG) pa tur esnan cu ta trahando den enseñansa “onbevoegd“ of kier obtene e diploma aki hunto cu nan estudio di HBO of Universitario pa drenta nos enseñansa y duna les riba nivel di voortgezetonderwijs of beroepsonderwijs.

E estudio di PDG lo cuminsa dia 21 september awo. E estudio aki ta reconoci pa gobierno di Aruba mediante MB 286/19. Ora bo caba e estudio aki bo lo ricibi un diploma reconoci na Aruba.

Banda di esey, nos lo cuminsa cu cursonan di Life Coach y tambe uno di toegepaste Psychologie riba nivel di HBO. Tur esnan cu a caba EPI of MAVO por sigui e curso aki.

Tambe nos ta duna cursonan/estudionan di HRM (Human Resource Management) diploma di Nemas & Associatie Examen, Basis Kennis-Middel  y Hoger Management, Curso Negoshi Chiquito na cas mes, Paralegal (esnan cu kier siña di ley diploma Assosiatie ), Basis Kennis Boekhouden (BKB) , Basis Kennis Calculatie(BKC) cual hunto cu BKB ta forma diploma di financial controller.

Pronto nos Fundacion lo ta den barionan di Aruba cu cursonan di Ingles basico y intermedio, con pa service bo auto, cursonan basico di metsla.Ta studiando e posibilidad, manera e ta na Corsou y Bonaire pa acerca Gobierno pa bin cu algun estudio reconoci riba nivel di MBO 1, MBO 2 y MBO 3 cu no ta ser duna na Aruba pa nos dushi pueblo di Aruba.

Den luna di october proximo nos fundacion hunto cu Centro Di Bario Santa Cruz lo cuminsa cu un Proyecto yama “samenlevingsopbouw” consistiendo di cursonan pa habitante di Santa Cruz pa esnan cu no tin trabou of kier cambia di trabou, mehora calidad di nan bida, sigui un of mas estudio gratuitamente. Pa esnan cu tin entrada lo cobra un suma simbolico.

Ta e intencion di acerca mas Centro di Barionan pa tambe den diferente districto di Aruba organisa e Proyecto di “samenlevingsopbouw“ aki.

Pa mas informacion, of inscripcion, por mail nos na [email protected] of yama nos na 7332734.

Comments

comments