Fundacion di Dande y DCA: Festival di Dande ta sigui pero no sa di ki forma

342

Fundacion Un Canto pa Aruba su Himno y Bandera y Dande a tene un reunion cu Departamento di Cultura (DCA) y e resultado tabata bon. E fundacion tabatin dos proposicion y Departamento di Cultura tabata tin di nan tambe.

Pa motibo di henter e situacion di pandemia di coronavirus no por bay na e acostumbrado festival di dande live na un club. P’esey nan tin pensa riba un festival graba y pasa esaki sea e siguiente of par di dia despues. Jessica Croes, presidente di fundacion Un canto pa Aruba su Himno y Bandera y Dande, a bisa cu esey ta e pensamento cu tin pero e festival tin cu bay door.

Fundacion di Dande y DCA: Festival di Dande ta sigui pero no sa di ki forma

Fundacion di Dande y DCA: Festival di Dande ta sigui pero no sa di ki forma

Posted by 24ora on Tuesday, October 27, 2020

E fundacion a ricibi algun pregunta di algun agrupacion interesa, pero no tin contacto cu tur ainda. Esnan cu a contacta e fundacion ta interesa pa sa con a para cu e festival di dande. E proposicionnan cu Departamento di Cultura tin ta pa yama e fundacion di infantil y hubenil. Segun Croes, despues nan lo sinta hunto cu tur otro organisacion pa por yega na e pensamento cu fundacion Un Canto pa Aruba su Himno y Bandera y Dande tin.

Stanley Dabian, relacionista publico di Departamento di Cultura, a bisa cu e festival di dande y e dande mes ta un tradicion cu no por laga bay perdi. Departamento di Cultura a sinta cu e fundacion pa brainstorm con ta organisa e festival. Den e normal nobo como evento publico e no por ta. Durante e reunion a papia riba diferente oportunidad y esey a bay den un bon manera, segun Dabian. No por laga e festival di dande pasa y lo organis’e na un otro forma, pero toch pa acapara na un manera nacional.

Departamento di Cultura ta spera di haya cooperacion cu e planta nacional pa haci e evento di dande na un forma diferente y tur hende disfruta di dje. Tambe lo papia cu e otro comision pro cultura, esta festival di mucha infantil y hubenil. E idea ta pa hacie un solo actividad den un forma virtual pa henter Aruba disfruta di dande.