E tan gusta CinemaOutdoor y Shortcutz Aruba ta bek, awor riba diasabra. E diasabra aki 19 di October lo tin presentacion di e comedia ‘Lost in Paris’ y e pelicula cortico Alto Vista.
Manera semper porta ta habri 7:30 di anochi y e peliculanan lo inicia 8:00 di anochi. Luga ta Ateliers ’89 sitiua na Dominicanessenstraat 34, net tegenover di Maria College Mavo.
Nochi di pelicula y e plataforma local di peliculanan cortico esta Shortcutz Aruba a inicia for di 2017 brindando e publico un seleccion di peliculanan local y internacional. E seleccion di peliculanan ta haci e nochi di pelicula aki diferente cu e otronan. CINEARUBA ta enfoca riba peliculanan independiente cu un toke artistico, pero alabes tin e capacidad di entretene e publico.
Mayoria di e peliculanan cu ta pasa den CinemaOutdoor ta peliculanan di Spaña, Francia, Inglatera y Argentina. Pa mas informacion y pa keda na haltura di tur e peliculanan cu lo wordo presenta durante CinemaOutdoor y Shortcutz Aruba ‘Like’ CINEARUBA su pagina di Facebook. E actividad aki ta conta cu sosten di Playa Liquor & Bottling Company NV y Ateliers ’89.
