Den cuadro pa stimula capacitacion profesional, personal di Fundacion Ambiente Feliz a participa durante periodo di maart y april 2018 na un trayecto educativo consistiendo di diferente tayer, den colaboracion cu Departamento di Asunto Social (DAS).
Riba diamars 24 di april ultimo a tuma luga e entregamento di certificado na e participantenan cu a completa e trayecto. Esaki a tuma luga den presencia di directora di DAS sra. Glenda Hernandez y miembro di directiva di Fundacion Ambiente Feliz sr. Randolf Vrolijk.
Colaboracion cu Departamento di Asunto Social (DAS)
E trayecto aki a wordo facilita door di dos trahado di DAS, sra. Marianela Haakmeester-Loefstok y sra. Madeline Doulabi-Ridderstap kende ambos ta specialisa den guia profesionalnan tanto individual, den team y den organisacion.
E trayecto
E trayecto a consisti di temanan di sumo importancia pa desaroyo personal y profesional y e meta tabata pa stimula coherencia, crea un miho comunicacion y colaboracion na pia di trabou. Den un forma colectivo y interactivo durante 4 sesion a traha hunto pa amplia conocemento, habilidad y cualidad riba e siguiente temanan;
- Con ta anda cu esaki y asina bira mas consciente di patronchi di comportacion pa cambio.
- Motivacion interno. E importancia di sinti bo mes contento cu bo trabou.
- Laga los di emocionnan. Haya un bista riba emocionnan cu no ta funcional mas.
- Con pa duna y ricibi feedback.
- Ken mi ta como colega.
E trayecto a enfoca riba ta colectivo, siña colabora y siña construi pa hunto duna lo miho di cada un na pia di trabao pa asina tambe brinda un servicio di calidad.
Participantenan tabata hopi satisfecho cu e trayecto y alabes motiva pa pone den practica locual nan a siña. Nan a expresa aprecio y gratitud pa e oportunidad brinda pa asisti na e trayecto.
DAS ta motiva trayectonan educativo den cada organisacion y lo sigui haci su mes disponibel pa colabora riba e tereno aki uzando su profesionalnan. Na final DAS kier gradici y duna un pabien na cada un di e participantenan di e trayecto capacitacion profesional.+
