Functional Fitness Federation cu curso internacional di Crossfit pa nos entrenadornan na Aruba

Na vispera di e magno evento Fitville 2019, e federacion di Functional Fitness Federation lo organisa un curso di nivel internacional pa tur nos entrenadornan di tur nos Crossfit box nan na Aruba. E meta di e curso ta pa yuda amplia e conocimento di tur nos coachnan.

Mas cu claro esaki lo engrandece e desaroyo y lo yuda cu e experticio di nos coachnan cu un poco mas sabiduria di loke nan tabata sa caba.  E curso lo ta uno teoretico y praktico y lo trata diferente area importante di entrenamento cual ta primordial pa un bon desaroyo di e deporte di Crossfit.

Durante dos dia largo lo trata diferente topico y lectura como tambe demostracion di e  ehecicionan cu ta bini hunto cu esaki. E curso aki lo ser duna pa dos experto di exterior cu hopi experencia den e deporte aki cu ta coach Juan Castro di Colombia y coach Taylor Anne Deering di Merca. E box di Muscles & Lungs Crossfit lo host e curso aki. Na final lo entrega un certificado reconoci na tur cursista.

Stichting Sportsubsidie Aruba ta contento di por aporta y brinda e ayudo na e Functional Fitness Federation cu a organisa un curso di nivel internacional pa tur nos entrenadornan di tur nos Crossfit box nan na Aruba.

Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana.

Cumprando Lotto bo ta contribui na deporte riba nos isla. E meta ta pa organisa loteria, cambiabida di su hungadonan y na mes momento inverti den deporte local pa medio di donacionnanna e Stichting Sportsubsidie Aruba.