Polis di “Patruya 37” kier claridad riba e investigacion

3089

Awe merdia e funcionario policial Edgar “Efa”  Maduro tabata den Corte hunto cu su consehero legal mr. Edwin Duijneveld, en busca di loke e ta bisa mester ta un trato husto. E tipo di caso cu e funcionario policial a cuminsa en principio ta cu porta habri.

Sinembargo como cu e decision cu Hues mester tuma ta uno temporal (voorlopige voorziening), esaki ta bay porta cera, pa cual 24ora.com no por tabata paden.

Funcionario policial di patruya 37 kier claridad riba investigacion

Polis di “Patruya 37” kier claridad riba e investigacionClick link pa mas https://24ora.news/2tVbrCa

Posted by 24ora on Monday, January 27, 2020

Segun por a compronde, Hues a scucha ambos partido brevemente, despues a pidi pa entrega di cierto documentonan y despues di esaki e lo anuncia su decision dia 10 di februari awo.

Pafo 24ora.com a combersa cu Efa Maduro, kende ta un di e dos funcionarionan policial cu ta aparece riba e video di patruya 37 combersando cu dos persona femenino. E hecho aki a causa cu mando policial a dicidi di manda nan cas.

E procedura cu a sigui, Maduro a bisa, no a bay manera mester ta. For di momento cu a manda nan cas, a sigui un sistema cu e no ta di acuerdo cun’e. Ni con e investigacion preliminar ni e forma con a sigui cun’e. Asina e ta sinta cu por a finalisa e investigacion mas lihe, pero a tarda y a interogue apenas dos siman pasa. “E cos aki por a caba mas lihe.”

E ta sinti cu ta tira yen di cos riba dje y e no sa kico of cual ta e motibo real pakico a mand’e cas y a habri un investigacion. Riba e puntonan aki e kier claridad.

Su colega, kende tambe ta aparece den e famoso video di patruya 37, ta geschors na cas, pero no a bay Corte.