E Fun Dogwalk organisa pa Animal Care Clinic tabata sumamente exitoso y tur e fondonan recauda a bay pa Animal Relief Foundation.

Dr. Natalie Booi, veterinario y doño di Animal Care Clinic na Paradera, ta conta cu e idea a nace aña pasa. E kier a haci actividadnan tiki mas grandi pa concientisa nos hendenan y tambe duna algo bek na comunidad y yuda e fundacionnan.

Fun Dogwalk na beneficio di ARF tabata sumamente exitoso

Fun Dogwalk na beneficio di ARF tabata sumamente exitoso
https://24ora.tv/2wY0T2W

Posted by 24ora on Sunday, June 16, 2019

 

Pa prome biaha nan a haci un dogwash, na October pa dia di bestia y tur fondo cu a recauda a bay pa Crioyo Trappers. Esey a haya un feedback hopi positivo di hende. Lo ta leuk pa organisa algo asina dos biaha pa aña. Eynan e idea a nace pa haci un dogwalk. Esaki ta e prome evento e aña aki y na October kier haci e dogwash di nobo.

E idea ta pa scoge cada biaha un otro fundacion pa por yuda nan. Booi, como veterinario ta sinti cu e tin un responsabilidad extra pa informa tur hende pa, pa educa, pero tambe pa mustra e responsabilidad pa ta un doño responsabel. Pero tambe pa duna bek y pa yuda e fundacionnan.

Hopi biaha nos ta keha di hopi cacho y pushi riba caya. Pero tin hopi tiki hende cu kier haci algo. Tur dia ta mira e trabao tremendo cu e fundacionnan ta haci y ARF ta un di nan, cu ta hendenan cu tur cos cu nan haci ta voluntario. Nan ta hinca hopi tempo y placa den dje y ta un trabao duro. Ta un trabao cu hopi hende no ta walk tur kico bo ta haci. Hopi hende ta keha, pero nan no ta mira e dedicacion cu tin tur dia y ta pesey dr. Booi kier yuda nan.

Manera ARF, tin Crioyo Trappers, tin Nine Lives, tin Luna Foundation, ARA. Tin hopi fundacion cu tin mester di nos ayudo. No ta un problema di fundacion, sino di nos tur, di Aruba. Ta pesey nos mester cera cabes pa por yuda nan. Pa e prome biaha e dogwalk tabata un tremendo success. Dr. Booi a keda contento di mira asina hopi hende a bin cu nan mascota. A purba di duna briefing pa tur hende sa cu si bo mascota no ta make it, bo ta wak'e cu e ta den problema, stop. Por a mira rond cuanto hende a participa y tur hende a hari.

Nan a pasa un rato ameno y a haci algo pa un bon causa, tanto pa e fundacion pero pa nan mes, mirando cu ta algo deportivo y esey tabata great.

Purina

Ana Maria Ramirez di Compra, representando Purina, tabata hopi entusiasma pa forma parti di e evento aki. Dr. Booi a splica cu tur e fondonan recauda ta bay 100% pa e fundacion. E idea tabata pa duna bek y Purina a hay'e great. Di biaha a bisa cu nan ta yuda cu e funding di e T-shirt. Danki na Compra y Purina, nan a bin cu hopi bon iniciativa. Nan ta brainwash hunto cu e organisadornan. Nan a bin yuda den nan atardi liber y pa haci e evento aki exitoso.

Otro ayudonan

Superfood tambe a yuda, hunto cu Ling & Sons. Asina tambe varios otro luga a yuda. Tur esaki ta pa haci e evento algo bunita y pa tur hende pasa bon, Booi a splica.

Comments

comments