Landamento ta e deporte cu por salba e bida di un mucha, hogamento ta e causa mas comun di acidente fatal den e seno di e muchanan. E federacion internacional di deportenan acuatico kier pa tur pais tin un bon programa pa siña e muchanan landa. Practica un deporte ta un actividad hopi sano pa nos hubentud.
Arubaanse ZwemBond ta bay organisa diasabra 5 di october un Aquatic Day na piscina Olimpico di Savaneta pa presenta e diferente disciplinanan cu por wordo practica na pool y den lama. Trece e muchanan na pool entre 10 or y 2 or na Savaneta pa nan pasa un rato agradabel. Nos ta bay tin wega, dinojumps y diferente club lo presenta nan deporte.
