“Fuel spill” a yega Parke Nacional di Venezuela

2669

Den noticia internacional ta sigui e noticia di un “Bunker Fuel Spill” cu a tuma luga na costa di Venezuela. Un tanker transportando fuel oil ta e origen di e oil spill cu awo a caba di yega costa di Venezuela na Parke Nacional Moroccoy.

Via imagen di satelite y via analisis di AIS conduci pa TankerTrackers.com por mira e daño te cu awo. For di dia 2 di augustus a cuminsa surgi imagen y noticia riba rednan social relaciona cu e situacion tumando luga.

For di un miembro politico opositor (Asamblea Nacional) a haya confirmacion cu e derame a tuma luga y ta expresa su preocupacion riba e daño cu e por causa na e park y e bida maritimo cu ta sumamente sensitivo. Un miembro di PDVSA di su banda tambe a confirma e noticia aki.

Aki na Aruba tambe Gobierno a bisa di ta trahando riba e tema aki. Bureau Rampenbestrijding Aruba (BRA) a informa un rato pasa cu dentro di poco nan lo emiti un comunicado riba e preparacionnan cu ta tumando luga den preparacion cu si e derame yega Aruba. Esaki ta bin como un reto adicional riba e lista cu BRA ta atendiendo awo, cu Covid-19 como esun principal y cu tin mas prioridad.