FTA: Mester tin un pakete husto cu e trahado di aeropuerto por acept’e y bay cas trankil

Diaranson merdia a tuma luga un reunion den Parlamento caminda cu a invita sindicatonan STA y FTA pa asina nan por duna un adelanto pa loke ta trata e negociacionnan cu AAA riba e posicion di e trahadonan.

Apesar cu STA no tabata t’ey, FTA a duna di su banda na e parlamentarionan presente, con a para cu e negociacionnan aki.

Di parti di FTA, Hubert Dirksz, presidente di e sindicato, a splica den un entrevista cu 24ora.com, cu te ainda nan ta na mesa negoshando pa mira kico AAA lo presenta na e trahadonan.

FTA a reuni cu Parlamento riba situacion laboral na AAA N.V.. Click link pa mas https://24ora.news/2H2FNJh

Posted by 24ora on Wednesday, October 14, 2020

Despues cu e crisis a cuminsa, aeropuerto ta e prome instancia cu a sinti e problemanan financiero, na momento cu vuelonan a para door di ceramento di frontera, haciendo cu AAA a acerca sindicato pa cuminsa na papia riba medidanan.

Mientras cu FTA tabata na mesa di negociacion, tabata tin algun desaroyo pa trahadonan y IAO-ernan (Individuele Arbeids Overeenkomst) cu a bira miembro di FTA mientras tanto. Hubert a indica cu STA a pidi un referendum pa cada departamento y a gana y asina nan bay representa algun di departamentonan.

FTA a keda toch cu basta miembro. Na e mesun momento di varios hende no ta miembro di ningun sindicato.

E reunion den Parlamento a presenta e dolornan di e trahadonan. Nan tin stress pa hopi luna pasobra nan no sa kico lo para cu nan.

Mientras tanto e sindicatonan a duna informacion na e trahadonan riba nan posicion y di parti di gerencia nan tambe a duna nan propio informacion na e trahadonan.

Tin e situacion dificil unda cu ta bay tuma un decision pa ofrece un pakete di retiro, den e caso aki como cu ta acuerdo mutuo ta boluntario. FTA ta haya cu na momento cu maske con bon yega na un pakete miho posibel, con bon negosha y yega a un bon pakete, FTA ta bisa e trahadonan si cu e decision ta den nan man.

Si un trahado perde trabao, sigur na e momentonan aki ta dificil haya trabao depende di e edad. Den e caso aki, si tin un salario cu tin na aeropuerto, pero ta e salario ey no lo haya bek. Esey ta nifica cu no ta importa cuanto placa ta haya den e pakete, sa cu esey depende con maneh’e, lo bay caba.

P’esey mes awor aki ta kere cu mester tin un pakete mas husto posibel caminda cu e trahado dicidi pa acept’e por bay cas trankil y ta kere cu esnan dicidi cu no ta acept’e mester por keda traha y compania mester purba re-ubica nan den un otro funcion.