FTA a firma CAO cu De Wit Stores

Gerencia di De Wit Stores cu nan a sa di cera un bon CAO pa su personal. Y FTA tambe ta satisfecho cu esaki.

Firmamento di CAO entre FTA y De Wit Store

Posted by 24ora on Wednesday, March 20, 2019

Segun sr. Manichand, di parti di gerencia, nan ta contento cu e cooperacion cu nan tin cu FTA. Ta bay semper den un bon ambiente. Hasta si tin dificultad, nan sa toch di yega na otro cu dialogo. E ta mira tambe FTA como un partner di De Wit Stores y segun Manichand ya nan tin 30 aña of mas, representantenan di e empleadonan. Esey ta indica cu ta trata aki di un bon cooperacion.

Ta pa e motibo aki a firma un CAO nobo di 4 aña. El a bay hopi bon y lihe. Sigur pa un bon balansa entre e compania y trahadonan. Tur ta sali gana di esaki. E trahadonan por bisa cu ta bay dilanti. Si compania bay bon, nan tambe sigur ta bay dilanti. Gerencia ta hopi orguyoso di loke a logra.

Rudy Geerman di FTA a comenta ta pa prome biaha, na momento cu a bay somete e pakete na votacion, mayoria completo a acepta locual cu a negosha. Ta hopi aña FTA ta representa e trahadonan. Un biaha mas a firma un CAO pa 4 aña. Ta bon pa bisa cu 4 aña pasa tambe a firma uno pa 4 aña. Varios trahado ta tum’e como algo historico, caminda cu 4 aña pasa, mayoria di trahadonan a bay di 6 dia pa 5 dia di trabao. No solamente bay na 5 dia di trabao, pero manteniendo e salario di 6 dia. Esey tambe ta un adelanto. Sr. Manichand ta e prome persona cu a firma, caminda cu a baha di 48 ora pa 40 ora. Ta e prome CAO a wordo firma na Aruba, caminda cu e trahadonan a baha di 48 pa 40, manteniendo nan salario.

Dia prome di Januari 2018, ta caba dia 31 di December 2022. Tin algun ahuste den e CAO cu tta na beneficio di e trahadonan. Na momento cu nan ta bay extra riba posicionnan mas halto, nan ta wordo recompensa. Tambe tabata tin cambio di e bracket di dia di vakantie. Awor aki ta yega riba dianan di vakantie mas lihe, den menos aña di servicio.

Esey tambe a mira un mehoracion. Tin un aumento garantisa di un suma pa tur hende e aña aki y pa e proximo tres aña ta bay basa riba costo di bida, pa si e trahadonan sali 5%, e trahadonan por ta garantisa cu nan por haya 4.4% di aumento.

Si e costo di bida pasa 5%, ta nifica cu partidonan tin cu sinta na mesa. Pa locual cu ta e beneficio secundario, e trahadonan tin’e bon y a garantisa tambe caminda cu ta nan ta mantene y hasta tin momento di mehora nan poder di compra, apesar cu den e situacion den e sector comercio, caminda cu tin e discrepancia enorme entre competencia, toch De Wit Stores a demostra cu si por logra un CAO.

Un otro punto cu nan ta kere cu lo yuda e trahadonan, cu na momento cu nan no ta AO. E trahadonan por acumula te 900 florin durante un aña caminda cu nan no ta AO. A palabra e ora cu ta pag’e un solo paga. Den fin di Februari e trahadonan por disfruta di dje. Si pag’e pida pida no por mira e balor. Si mantene pa full un aña ta mira e balor.

FTA ta contento cu e CAO.

Dicon 4 aña 4 aña ta stabilidad, segun Geerman. Stabilidad pa e trahado pasobra e sa cu esaki ta su condicionnan mara y compania sa kico ta su gastonan di personal pa e proximo 4 añanan. Consecuentemente e por reparti.

Comments

comments