E dianan cu a pasa e calor a bira algo increible. Te hasta caminda tin airco ta sinti e esfuerso cu e airco ta haci pa fria e localidad.
Mescos cu un ser humano, e animalnan tambe tin calor. Den e caso aki a capta e momento cu un cacho den oranan di merdia cu e solo di 34 grado Celcius a opta pa drenta den e awa di e fontein na Plasa Padu.
Esaki ta net patras di Cocolishi y pabou di Censo. Aunke ta algo ilegal, tog e cara di e cacho tabata mustra un satisfaccion di por a dal un chapuzon na un momento perfecto cu e solo cayente.
