Freewinds a regala grupo di hoben e buki “The Way To Happiness”

E ekipo di Freewinds hunto cu Wiwi Peña ta traha hunto pa trece mas felicidad na e hobennan participando den e “Youth Summer Camp” di Aruba Sport Unie, danki na e bukinan di The Way To Happiness, un guia moral pa biba miho.

A pesar di loke ta pasa den mundo, Aruba ta yuda nos hobennan, sigurando cu e  Summer Camp aki ta ofrece un refugio p’e hobennan caminda no solamente nan ta pasa bon  y disfruta di e actividadnan deportivo, pero tambe nan lo siña e balornan cu lo contribui pa nan bira ciudadano valioso di nos bunita y feliz isla.

Luchando contra e aumento di e nivel di crimen y violencia Freewinds a asocia cu diferente miembro importante den nos comunidad. Wiwi Peña y Gerald Franca di Aruba Sport Unie ta reparti mas cu shen buki di The Way To Happiness na Papiamento, den un esfuerso di dos aña pa mustra e hobennan di nos isla cu bida berdaderamente por ta un caminda pa felicidad pa nan mes, nan famia y nos comunidad.

Memey di un temporada di vacacion turbulento caminda e muchanan di otro paisnan ta wordo menasa pa situacion peligroso cu ningun mucha lo mester pasa aden, Freewinds y Aruba Sport Unie a percura pa nos muchanan local pasa un vacacion varia y hopi dushi  y cu a culmina cu un regalo cu lo haci esaki un vacacion memorabel. 

Cu e buki E Caminda Pa Felicidad e muchanan a siña varios precepto valioso. E conocemento aki lo sirbi nan pa biba un bida miho pa resto di nan bida.

Balor moral ta e blokinan cu ta rondona e muchanan pa nan por cana cu siguridad mientras cu nan ta siña traha un miho futuro. Piña ta kere firmemente den esaki. Wiwi a declara: “Danki na e presencia di Freewinds. Boso tin un programa cu ta enfatisa e principionan moral. E bukinan aki ta wordo duna na e muchanan pero mi ta sigur cu nan lo yuda nan mayor pa ta miho guia pa nan yiu. E muchanan aki no tin un vision con bida ta structura y nan mester un guia pa medio di principionan moral correcto.”

Piña ta na fabor di e actividadnan cu lo tene e hobennan leu di influencia dañino. Mester duna nan balor y herment cu lo yuda nan bira miho persona mientras nan ta crece cu e deseo pa yuda otro hende.

E Caminda pa Felicidad ta un codigo moral NO religioso basa completamente riba sentido comun. Su autor ta L.Ron Hubbard y el a wordo publica originalmente na 1981 pa yuda revoca e decenso moral di e sociedad door di restaura confiansa y honestidad.