Frederick Franken deteni na Merca acusa di a asesina su mesun yiu

E homber acusa di a mata su yiu di 3 aña y despues a purba comete suicidio a sali for di hospital y a detene mesora. Oficina di Okaloosa County Sheriff a bisa cu Frederick Franken, di 61 aña di edad, a mata su yiu riba dia 15 di maart ultimo den nan cas na Rawlins Court, Niceville. Segun recherchenan, el a hinca e mucha, Frederick Franken, te cu el a muri.

Polis a bisa despues cu el a mata su yiu, cu Franken a uza e cuchiu riba su mes purbando di comete suicidio. Un rapport di investigadonan a bisa cu a hinca e mucha hopi biaha y cu despues Franken a herida su mes. Mama di e mucha a yega cas for di trabou y descubri e incidente. Segun e oficina di Sheriff, e señora Arubiano a bisa recherchenan na Merca cu nan tin problema matrimonial y cu recientemente a bisa su casa cu e kier divorcia.

Diamars, dia 26 di maart, a laga Franken sali for di Fort Walton Beach Medical Center y a hib’e na Okaloosa County Jail pa acusacion serio di asesinato relaciona cu violencia domestico.

Comments

comments