Freddy “Rasta” Richardson riba plataforma musical internacional

2470

Na April di e aña aki Freddy “Rasta” Richardson a wordo acerca pa un producer hoben Africano di solamente 17 aña di edad, conoci bou di e nomber “Kezzi”. Den luna di mei Rasta a drenta studio hunto cu Awaras pa traha riba e produccion di genero Afro beat aki, cual a bay hopi facil como cu e artistanan aki a traha hunto caba den pasado.

Despues di a completa esaki a manda e piesa final pa e conocido film director y productor di musica Edward Silberie miho conoci como AIDI kende a gusta e produccion y a dicidi di haci esaki un proyecto grandi.Den e proceso di esaki a manda e piesa pa un music label internacional cu a gusta loke nan a scucha y a dicidi di añadi un di nan artistanan top Africano “Lumino”, cu a finalisa di haci e proyecto aki uno mas grandi.

Edward Silberie hunto cu Juan Torres, Michael Fowler, Lino Ogenio, Mary Sierralta, Ricardo Quezada, Rafa de la Cruz y Jordan Kloer a forma e Dream Team cu a colabora ariba e proyecto musical. Den e videoclip aki por bay mira parti nan di nos Isla, tambe un tiki di Africa. Apesar di e situacion a logra completa e proyecto aki y tur cos ta cla pa sali diabierna awo, 19 Juni 2020! Esaki lo ta riba Youtube, Spotify, Deezer y tur otro plataforma musical.

Keda pendiente…