Frans Ponson: Den comercio di awendia ta practicamente imposibel pa tin reserva si kier crece

1368

Frans Ponson, un comerciante di Do It Center na Shaba y alabes miembro di Comerciantenan Uni – a expresa cu “mi ta kere cu ningun comerciante na Aruba tabata tin’e facil e temporada aki. Hopi a bay  bay na cero. E suerte di Do It Center ta cu e tin e parti di supermercado cu a yuda nan,” el a bisa.

Pero Do It Center no ta un compleho cu no ta consisti di supermercado so y negoshi a cay hopi. Mester mira cu nan tin tres filial y e gran parti no ta supermercado. Cu e normal nobo mester siña haci cambionan lihe. A trata di wanta e trahadonan grandi na trabou pasobra e empresa tin empleadonan cu tey prome cu e mes a drenta e operacion.

Frans Ponson: Den comercio di awendia ta practicamente imposibel pa tin reserva si kier crece

Frans Ponson: Den comercio di awendia ta practicamente imposibel pa tin reserva si kier crece. click link pa mas https://24ora.news/3ea8grG

Posted by 24ora on Saturday, May 23, 2020

E receta cu nan por a logra sobrevivi tur e tempo cu a pasa ta cu mester haci un trabou cu pasion. “Bo mester gusta e trabou cu bo ta haci. Si bo no ta gusta cushina, bo no por traha nunca bon den un cushina. Si bo ta gusta bo negoshi, bo ta hinca cada bes mas tempo den dje.Mi gusta comercio y mi a hinca henter mi bida den dje. Mi ta traha duro y haci tur lo posibel pa mantene nan mes na trabou,” el a bisa.

Den e mundo di comercio awendia ta dificil pa tin reserva. Tur compania kier crece y den casonan asina mester acudi na banco. Su tata, el a conta, nunca tabatin reserva pa e miyones cu nan tabatin mester pa traha e edificio grandi na unda nan ta situa aworaki. E supermercado tabata otro inversion. “Ta banco ta doño pa 80%, y ta dificil pa tin reserva. Bo por tin un tiki y nunca bo ta pensa cu mester di un reserva grandi. Restaurantnan a bay te na cero entrada y ta imposibel pa carga e salario di empleadonan pa un tempo largo. Reserva ta hopi dificil.”

Den e normal nobo semper pensa riba e escenario di mas malo y baha bo gastonan mas hopi posibel, Pensa por ehempel cu no ta ni haya turista e aña’ki.  Y comerciantenan mester re-inventa nan negoshi. “E normal cu nos tabatin no ta bini bek den e proximo luna; minimo pa otro aña,” el a termina bisando.