Frankie Boy a lansa un tema urbano cu Moi-C El Impactante. Titular di e cantica urbano ta Esq Tu y Yo.
Franco Carranza, cantante, ta pidi pa comunidad duna nan sosten. El a conta cu e mes ta in di Peru y Moi-C ta di Santo Domingo, pero nan ta biba na Aruba desde basta tempo. Di un dia pa otro a bin cu e idea y e momentonan a yega p’asina nan a haya yudansa. E video clip a bini y nan a haya colaboracion di modelo di Aruba, Colombia y Venezuela.
Segun Carranza, den luna di maart ta bay bin mas proyecto. N’e momentonan aki ta temporada festivo y asina esey pasa, ta cuminsa cu e proyectonan. Pa loke ta e tema musical “Esq Tu y Yo” tin di haber ora di sali c’un persona y ta hinca bo de e zona di amigo (friend zone). Pero ora ta nan so, e ta duna un trato completamente diferente
Leo Tromp, productor dje video clip, a splica cu Frankie Boy a bis’e kico tur e kier y a pone tur cos riba papel pa despues haci bira un realidad. No ta tur cos nan a logra, y segun Tromp, tabatin momento cu nan mester a improvisa. Como esaki ta prome proyecto, hopi idea ta bin su tras y nan a purba experimenta algo nobo.
