Francis Groeneveldt: Con pa presupuesta den momentonan di crisis

1062

Nunca antes Aruba a pasa den un momento di crisis manera esun cu nos ta pasando aden actualmente. Esaki ta solamente e comienso. Un parti sigur cu ta hopi afecta, ta nos cartera. Francis Groeneveldt ta un financial coach di Lead2success y a duna algun tips y su punto di bista con nos por pasa den un situacion asina.

Henter e situacion aki a cay hopi hende di sorpresa. Ta un temporada cu un tiki reto mirando cu hopi hende ya caba a perde trabao of a bay atras drasticamente den nan situacion economico.

Esaki ta bay trece hopi peso y hopi stress den famia, den relacion, etc. Esaki ta e momento cu no ta tempo pa haci wega of chansa cu e parti financiero. E les cu ta duna, tin un slogan cu ta bisa “si nos biba manera otro persona awo

Francis Groeneveldt: Con pa presupuesta den momentonan di crisis

Francis Groeneveldt: Con pa presupuesta den momentonan di crisis. Click link pa mas https://24ora.news/2xpOJne

Posted by 24ora on Tuesday, March 24, 2020

Nunca antes Aruba a pasa den un momento di crisis manera esun cu nos ta pasando aden actualmente. Esaki ta solamente e comienso. Un parti sigur cu ta hopi afecta, ta nos cartera. Francis Groeneveldt ta un financial coach di Lead2success y a duna algun tips y su punto di bista con nos por pasa den un situacion asina.

Henter e situacion aki a cay hopi hende di sorpresa. Ta un temporada cu un tiki reto mirando cu hopi hende ya caba a perde trabao of a bay atras drasticamente den nan situacion economico.

Esaki ta bay trece hopi peso y hopi stress den famia, den relacion, etc. Esaki ta e momento cu no ta tempo pa haci wega of chansa cu e parti financiero. E les cu ta duna, tin un slogan cu ta bisa “si nos biba manera otro persona awo, por biba diferente despues cu otro hendenan no por biba.”

Esaki ta momento cu ta recomenda tur hende cu tin cu hala faha mara. Bo entrada a bay hopi atras. Si nos papia di grupo grandi cu a perde trabao, cu esaki ta e momento cu e entrada ta baha. Bo estilo di bida tin cu bay cambia drasticamente. Tin cu bay over den disciplina con ta bay maneha finansas y saca cen y riba kico tin cu bay priorisa kico bo ta bay gasta riba dje awo.

Tur hende su bida a cambia di un dia pa otro y ta importante sa cu bo mester tuma bo finansas mas serio cu nunca.

Den e video adhunto, Francis Groeneveldt, ta trece mas tips y recomendacion con nos conciudadanonan por siña economisa den un situacion precario, den cual Aruba ta bibando awo.