Meskos ku komunidat kompletu, frakshon di MAN tambe ta kombibí ku nos hermana isla Sint Maarten i ke duna un man. P’esei frakshon di MAN, riba inisiativa di lider di frakshon Elsa Rozendal, lo kuminsá kolektá kuminda den bleki pa manda pa Sint Maarten.
Frakshon di MAN ta hasi un apelashon na tur miembronan di partido MAN i komunidat kompletu pa mustra solidarismo i duna loke e por.
Lo kolektá kuminda na bleki riba fe Fecha: 10 di sèptèmber 2017
( djadumingu awor)
Ora: di 10:00 am pa 13:00 pm
Lugá: Sede di Partido MAN na Rooseveltweg 64.
Danki di antemano na nòmber di habitantenan di Sint Maarten.
P.S.: pa mas práktiko por fabor si ta posibel trese esakinan den kaha òf saku stevig di supermerkado.
Ta rekoudá kuminda den bleki paso esakinan no ta daña. Por trese, por èhèmpel: tuna, soseshi, bonchi, maishi, lechi i sòpi na bleki, èts èts.
