Frakshon di MAN a probechá ayera pa hasi un paseo den nos sentro di siudat mirando e kantidat di turista i ambiente ku tabata tin. Durante e paseo aki frakshon di MAN a pasa tambe na e fasilidatnan kaminda e barkunan di fruta venezolano tabata stashoná pa asina tuma nota di e situashon ku a keda atras.
Frakshon di MAN a keda informá ku tin un inisiativa privá di banko MCB pa rápidamente laga limpia na e sitio pa mitigá e aspekto di sushedat, en espera di e plan di gobièrnu pa kuminsá drecha e fasilidatnan. Frakshon a probechá pa sosialisá i interkambiá ku diferente miembronan di komunidat ku tabata presente den nos sentro di siudat i tambe turista krusero ku tabata di bishita na Kòrsou. Durante e diferente interkambionan siudadanonan a trese nan prekupashon dilanti pa e situashon di e barkunan di fruta i ke sa kiko ta bai pasa awor. Pronto Gobièrnu lo tuma un desishon pa un solushon struktural.
