Foto EXCLUSIVO: Polis a detene e fugitivo Ryson Paskel

Awe tardi, den un accion special di Polis, a detene e hoben Ryson J. Paskel di 19 aña di edad na un cas na Santa Cruz. Team di Aresto a yega pa detene y el a sali core bay. A bente na vloer y el a purba lucha y resisti pero Polisnan a uza tactica pa domin’e. Algun Polis entrenando na EPB Santa Cruz a sali duna un man pa sigura cu e fugitivo no tin espacio mas pa scapa. Esaki despues cu e hoben tin casi 2 luna fugitivo di husticia.

Ryson Paskel ta confrontando sospecho fuerte di asesinato, riba dia 2 di september marduga patras di Sand Bar. Despues di un discusion el a asesina Camilo Sosa di 22 aña. Polis a haci diferente intento pa gar’e pero sin exito.

Riba e fotonan EXCLUSIVO di 24ora.com por mira ora Polis di Aresto y algun militar y otro Polisnan a duna un man pa domina e hoben sospechoso aki.

Comments

comments