Formanan di eutanasia bo tin cu reglanan den ley pa no proteha solamente e pashent

Tin hende ta sufri hopi y voluntariamente ta pidi pa yudansa pa no sufri mas, uzando e palabra eutanasia, pa por bay sosega. Na e momento cu un persona asina, cu voluntariamente a bisa cu e no por mas, kier pone un fin na su bida, si e mester e ta haci un apelacion riba un ayudo di un tercer persona. Den e caso aki un dokter.

Atrobe e mester wordo regla den ley, pasobra si un persona, maske cu e mes ta haci e peticion voluntariamente, e kier pone un fin na su bida, na e momento cu e ta haci un apelacion riba un tercer persona, e tercer persona, si e yuda e persona ey, e ta castigabel bao di e leynan cu nos tin actualmente. Formanan di eutanasia bo tin cu reglanan den ley pa no proteha solamente e pashent, pero tambe e tercer persona cu ta bay yuda e pashent pa pone un fin na su bida. Mayoria caso e tercer persona ta un doker, pasobra e dokter por busca mas miho con pa haci’e na un manera responsabel cu e pashent ta keda wordo trata na un manera cu suficiente respet, cu e no mester sufri mas dolor cu ta necesario, etc.

Den otro paisnan unda cu eutanasia ta regla den ley, e tercer persona cu ta yuda un persona cu voluntariamente ta bisa cu e no kier sigui biba mas, e tercer persona ta un dokter. Mayoria biaha no un dokter so. Hopi biaha ley ta pone condicion cu e dokter a envolve un colega di dje, cu nan mester discuti e caso, nan mester eigenlijk wak si realmente e pashent voluntariamente a yega na e conclusion cu e pone fin na su bida. Hopi biaha ley ta duna indicacion tambe bao di cual situacion esey por sosode, con largo un persona mester a sufri, dolor, cu no por wordo trata, tipo di cosnan asina hopi biaha ta wordo regla den ley, pa e proceso bay mas prudente posibel. E tipo di ley eynan, na e momentonan aki nos no conoce na Aruba. Si un tercer persona, un dokter yuda un persona asina pa pone fin na su bida, formalmente e ta castigabel. Mester cuminsa un discusion aki na Aruba tambe, si kier bay den e direccion ey y si ta asina mes, bao di cua condicionnan e ora ey, un forma di eutanasia por ta posibel aki na Aruba.