For di Hulanda Anthony Vizcaino “Antho” ta comparti su produccion nobo

537

Den un genero cu tambe ta domina mercado internacional, artista Antho den colaboracion cu Areyn ta laga nos cera conoci cu su produccion mas nobo “Struggle”.

Anthony Vizcaino “ Antho “ a nace na Colombia y te cu edad hoben a biba na Corsou. Cu su 18 aña el a bay biba na Hulanda caminda e ta residencia, traha y studia. Pa yega na inspiracion no ta facil, pero ta cuminsa cu e beat. Na momento di scucha esaki, cual ta uno basta slow cu a inspir’e pa skirbi riba acontesimentonan di pasado.

Den e cancion a menciona cosnan cu a bay robes manera den amistad, caminda net den momentonan cu mas mester di nan, nan no t’ey pa bo, cu ta un refleho di su bida personal. E poco amistadnan real cu a haya e produccionnan aki pa scucha a dun’e sosten mesora y a bis’e cu e tin cu saca e cancion aki.

For di Hulanda Anthony Vizcaino “Antho” ta comparti su produccion nobo

For di Hulanda Anthony Vizcaino “Antho” ta comparti su produccion nobo. Click link pa mas https://24ora.news/2RzjL2J

Posted by 24ora on Wednesday, September 16, 2020

Den colaboracion cu Areyn a planifica y logra lansa e produccion cu awo ta publico riba youtube caminda publico por disfruta di dje. Intencion ta pa keda produci, no inmediatamente pero den luna nos dilanti p’asina complace tur esnan cu ta sigui su musica. Pa tur cu kier sigui e carera y produccion artistico por localisa su persona via rednan social Facebook

Antho: Anthony Vizcaino, Instagram: https://www.instagram.com/antho.vizcaino/

Areyn: https://www.instagram.com/younqmulakidz/

Por tuma contacto tambe pa Bookings na: Antho: [email protected]

Antho ta finalisa bisando cu lo sigui tende di dje cu mas produccion nobo.