For di chikito mester siña nos yiunan balor di nos Himno y Bandera

Ora di canta nos himno, nos mester cant’e completo. Esey ta loke e conocido Atan Lee a splica. Den pasado el a fungi como hefe di protocol di Gobierno y e ta e persona indica pa duna conseho riba e materianan aki. Bo no mag di canta couplet of refrein.

ADV

Mester cant’e completo y bon canta. Bo no mag di hinca palabra aden, bo no mag di lubida, bo mester cant’e completo.
Ora cu e himno wordo canta instrumental, bo mag di uza e prome strofa, e prome pida refrein. Pero ora e ta wordo canta, bo mester cant’e completo. Den instrumental por lag’e toca full tambe. Pero por lo general, si bo ta cant’e, mester ta completo.

For di chikito mester siña nos yiunan balor di nos Himno y Bandera

For di chikito mester siña nos yiunan balor di nos Himno y Bandera. Click aki pa mas

Posted by 24ora on Wednesday, June 12, 2019

 

Batimento di man

E himno merece su respet. E no ta algo cu mester bati man p’e. Mester scuch’e cu hopi respet. Apesar cu a scuch’e mil y un biaha, toch ora bo scuch’e, bo ta sinti algo den bo curason, cu bo curason ta bati di alegria of tristesa, depende den ki ocasion tok’e. Bo mester por sinti bo himno. Esey ta importante.
Na Merca tin ocasionnan ta bati man, pasobra ora cu tende e cantantenan cu drenta manera den gospel, nan ta bay halto cun’e, nan ta hinca nan den un trance y nan ta bati man. Pero ora cu bo ta canta un himno, bo tin cu cant’e manera cu el a wordo pasa den Parlamento.
Bo no mag cant’e gospel, etc. Na Merca nan ta kibra hopi protocol y etiketa y p’esey a sigui nan ehempel. Nos tambe ta haci cierto foutnan.

 

Educa nos muchanan

Segun Atan Lee, nos himno y bandera, mester forma parti di formacion di un mucha, di un ser humano, un Arubiano. Si bo ta un persona cu ta bin di afo, bo mester tin respet pa nos himno. Mester sa e balor di nos himno. Mester cuminsa no na scol, pero for di cas caba siña e muchanan for di chikito canta Aruba Dushi Tera. For cas tin cu splica e yiunan caba kico ta nifica e bandera, e colornan di bandera. Aña pasa a pidi Atan Lee duna un lectura, caminda cu tin muchanan grandi cu no sa e nificacion di e colornan di nos bandera y kico nos himno ta representa. Y esey ta tristo. Conocemento ta yuda cu e muchanan ta siña stima Aruba mas. Esey ta nationbuilding. Ta siña e amor pa bo patria. E unico scol cu tabata tok’e tabata Scol Santa Ana, caminda cu tur dialuna mainta nan tabata tok’e, Atan Lee a splica den un entrevista riba nos simbolonan nacional.

Comments

comments