Diasabra anochi alrededor di 7:45 pm polis a presenta na Madiki 7 p’un caso peculiar. Aki ta caminda cu bisiña y famia a bati alarma cu for di atardi no a mira habitante di e cas. E ta un custumber cu e ciudadano ta sinta tur atardi den veranda pero awe no a mir’e. E ta un señora di 82 aña cu ta biba su so den cas.
Ramona Zambrano ta su nomber tabata un fiel trahado di ex-La Venezolana e tempo ey. A logra drenta su cas den oranan di anochi pero a top’e den camber y no tabata duna señal di bida. Ambulance a presenta pero no por a haci nada mas p’e. A notifica personal di Slachtofferhulp kende lo brinda sosten na famia den e momentonan dificil aki.
Di parti Headlines Group kende t’e cas editorial di 24ora.com y TREMPAN, ta manda palabra di profundo condolencia y hopi forsa den e momentonan dificil aki.
