Foodshow di Ling & Sons ta “on” te 6’or di atardi

For di 10’or di mainta a cuminsa den ballroom na Marriott e di dos Foodshow organisa door di Ling & Sons. Un evento cu a tuma luga aña pasa den luna di september tambe pa prome biaha.

Esaki ta un evento cu Ling & Sons ta dedica na presenta tur e productonan cu nan ta bende exclusivamente na Aruba.

Ling & Sons ta bende no solamente loke ta den tienda, pero tambe productonan cu tin specialmente pa otro compania, restaurant, of hotelnan. Esaki ta e evento perfecto p’asina aki por bin wak tur loke Ling & Sons tin di ofrece. A devela logo nobo di Ling & Sons durante Foodshow den Marriott Ballroom.

Durante e Foodshow di Ling & Sons, cu ta tumando luga den e Ballroom di Aruba Marriott Resort & Casino, a devela e logo nobo di Ling & Sons Foodmarket dilanti di un publico grandi. Despues di discurso di e propietario di e supermercado, a introduci e logo nobo, no solamente pa e supermercado, pero tambe pa e division di wholesale. Ling & Sons ta conoci pa ofrece lo miho riba mercado pa loke ta su productonan fresco.

E publico por a mira tambe con e supermercado lo ta den futuro. Ya varios di e cambio aki a wordo ehecuta.

PRODUCTONAN

Tin hopi producto pero un di e areanan hopi interesante, ta e ara di fruta y berdura. E ta un di e areanan den e Foodshow aki mas grandi, unda por mira fruta y berduranan gourmet cu tin tambe y cu cada temporada ta diferente. Den e show aki por mira loke ta conseha pa e temporada aki.

Apart di esaki tambe, tin un liña nobo di producto for di Spaña cu ta estrenando y cu tambe ta hopi interesante pa e dianan di fiesta cu ta na caminda. Apart di esey tin e liña exclusivo cu ta RainForest Seafoods cu Ling & Sons ta bende. Durante dia tin presentacion di sushi, cual no a haci anteriormente. Ta hopi importante pa sa mas di e productonan aki y wak con por uza esakinan.

Apart di esey, tin hopi otro areanan pa loke ta productonan cu ta yama Home Made. E productonan Home Made ta productonan cu Ling & Sons mes ta traha dia aden dia aden, unda cu por siña no solamente con por traha esakinan, pero con pa uza esakinan tambe di e miho forma, den e recetanan of pa loke ta e dianan di fiesta. Tin un Holiday Corner, special pa por mira ki tipo di producto Ling & Sons tin pa ofrece riba dianan di fiesta.

E ta realmente un foodshow, unda cu por bin purba tur loke Ling & Sons tin di ofrece exclusivamente pa e dianan cu ta na caminda y tambe cu por siña un tiki mas, unda Ling & Sons ta bayendo.

Ling & Sons tin 50 aña di existencia caba y awor aki nan ta hopi contento, mirando cu nan ta bay inaugura un tienda completamente moderno pa loke ta comunidad di Aruba.

SORPRESA

Tin un sorpresa grandi di mes, y cual nan lo ta regalando seis ticket pa Miami. Esaki di mes ta haci’e sumamente interesante pa un y tur bin. Tin seis ticket pa regala pa e food show aki. Pa participa bo ta shop den tienda y cu cada 50 florin bo ta haya un ticket. Tambe biniendo e show ora cu drenta, ta haya e ticket pa asina bo participa. E raffel aki lo tuma luga na fin di e food show. Na final di e foodshow lo saca seis ganado cual lo bay compaña e team di Ling & Sons na Miami pa un culinary experience. Lo hiba nan na un foodtour. Den un fin di siman Ling & Sons ta hibabo Miami, ta paga bo vuelo, ta paga bo estadia y ta paga di mes e food tour. Esaki tambe ta duna e extra dicon bo tin cu bin e food show. Ta un evento unico, un experiencia unico.

Ling & Sons ta e unico cu ta haci foodshow na Aruba. Yuda haci e evento aki un exito pa asina nan por t’ey otro aña atrobe cu un otro foodshow na Aruba. Entrada ta completamente gratis. Bin disfruta di e biahe culinario aki. Pa e motibo aki mes no tin admision fee. Unico cos cu ta pidi pa bin na e foodshow, registra pa asina bo participa pa gana e premio y di mes tuma bo tempo pa pasa tur e boothnan cu ta bay tin pa asina aki bo por siña tur e diferente productonan cu ta unico y exclusivo di Ling & Sons, for di henter mundo, treci na Aruba door di bo supermercado number un. Bo tin chens ainda te seis’or di awe, diahuebs, atardi.