Fondo pa bin un investigacion nacional di integridad

Den cuadro di nan responsabilidad promoviendo “Corporate Governance”, recientemente Aruba Bank N.V. a firma un “Memorandum of Understanding” (MoU) cu Stichting Deugdelijk Bestuur Aruba (SDBA), representa pa Mr. Armand Hessels y Henna Thodé, sostene proyectonan di investigacion.

E fundacion ta traha pa sigura cu e calidad di practicanan di Gobernacion Corporativo na Aruba ta di bon nivel. E meta di e fundacion ta pa genera conscientisacion den nos comunidad tocante e responsabilidadnan general den direccion di un Aruba saludabel y sostenibel.

E proyecto di investigacion lo sirbi como un base pa trece conscientisacion dentro di nos comunidad tocante e necesidad pa traha di acuerdo cu e normanan di gestion confiabel y pa proteha e bienestar general di e hendenan riba nos isla.

Cu e contribucion aki lo por yega na un “Nationaal Integriteits Onderzoek” basa riba e concepto di “Transparency International”. Aruba ta e unico pais den Reino Hulandes cu no a haci esaki ainda. Identificando e “gaps” ta e base pa por cuminsa cera nan y progresa como pais.